ICAPP doimiy qo‘mitasi raisi bilan uchrashuv
ICAPP doimiy qo‘mitasi raisi bilan uchrashuv

 

Toshkent shahrida O‘zbekiston XDP Markaziy Kengashi raisi Ulug‘bek Inoyatov Osiyo siyosiy partiyalari xalqaro konferensiyasi (ICAPP) doimiy qo‘mitasi raisi Chon Iy Yon bilan uchrashuv o‘tkazdi. Unda Koreya Respublikasining O‘zbekiston Respublikasidagi elchisi Von Do Yon va boshqa mas’ullar ishtirok etdi.

O‘zbekiston Xalq demokratik partiyasi yetakchisi Ulug‘bek Inoyatov mehmonlarni Xalq demokratik partiyasining dasturiy maqsad va vazifalari, amaliy faoliyati bilan tanishtirdi. Shuningdek, ICAPP xalqaro tashkilotining faoliyati mintaqaviy hamkorlikni rivojlantirish, barqarorlik va umumiy farovonlikka hissa qo‘shishda o‘ziga xos ahamiyatga ega ekani qayd etildi.

Janob Chon Iy Yon ICAPPning maqsad va vazifalari, bugungi kunda olib borayotgan ishlari to‘g‘risida ma’lumot berdi. 370 dan ortiq siyosiy partiya a’zo bo‘lgan tashkilot bilan hamkorlikning muhim jihatlariga to‘xtalib o‘tdi. Xalq demokratik partiyasi vakillari ICAPP faoliyatida muntazam ishtirok etib kelayotgani bildirildi.

Samimiy va do‘stona ruhda o‘tgan uchrashuvda o‘zaro hamkorlik turli davlatlar siyosiy partiyalari o‘rtasida axborot va tajriba almashishni yo‘lga qo‘yish, o‘zaro tushunish va ishonchni mustahkamlashda muhim ahamiyat kasb etishi ta’kidlandi.

 

 

 

 

 

 

← Roʻyxatga qaytish