Jizzax viloyatining Zomin tumani Dashtobod shaharchasidagi 2-son kasb-hunar maktabi zalida Konstitutsiyaviy Qonun loyihasi mazmun-mohiyatini tushuntirishga bag‘ishlangan uchrashuv o‘tkazildi.

Unda Oliy Majlis Qonunchilik palatasi deputati Muqaddas O‘rozaliyeva, MFY faollari, Zomin tumani kotibiyati mudiri, 2-son kasb-hunar maktabi direktori, tuman shifoxonasi xodimlari, maktab o‘qituvchilari qatnashdi.

Deputat M. O‘rozaliyeva tadbir ishtirokchilariga bosh qomusimizda ota-onalar farzandlarini voyaga yetguniga qadar nafaqat boqish va tarbiyalash, balki ularning ta’lim olishi, sog‘lom, to‘laqonli va har tomonlama kamol topish uchun ham g‘amxo‘rlik qilishi belgilanayotganligi ta’kidladi. Yangi tahrirdagi Konstitutsiya haqida batafsil ma’lumotlarni berdi.