O‘zbekiston XDP Kogon shahar kengashi raisi Sh. Izamova va shahar Kengashi deputati F. Quvatovlar “Zirabod” mahallasining faol nuroniylari bilan uchrashuv o‘tkazdi.

Muloqot davomida mahalladagi mavjud shart-sharoitlar va dolzarb muammolar o‘rganilib, fuqarolarning murojaat hamda takliflari tinglandi. Ularni hal etish yuzasidan aniq chora-tadbirlar belgilab olindi.

Shuningdek, pensiya va ijtimoiy nafaqalarning inson hayotiy ehtiyojlarini to‘laqonli qondirishdagi ahamiyati ta’kidlanib, bu yo‘nalishda qator masalalarni qonuniy asosda tartibga solish zarurligi qayd etildi.