Saylovlarda hamda davlat fuqarolik xizmatida nogironligi bo‘lgan shaxslar uchun kvota joriy etilishi maqsadga muvofiq
<p style="text-align: justify;"> </p>
<p style="text-align: justify;"><span style="font-size: 12pt;">Joriy yilgi saylovlarda ishtirok etadigan siyosiy partiyalarning saylovoldi dasturlari siyosiy xaritani shakllantirish va mamlakat taraqqiyotining istiqbolli yo‘nalishlarini anglashda muhim vosita hisoblanadi. Ular saylov jarayonida ko‘proq saylovchilarning ovoziga ega bo‘lish nuqtai nazaridan asosiy o‘rin tutadi, saylovchilarning tanloviga ta’sir ko‘rsatadi va saylangan siyosiy kuchlarning kelgusidagi faoliyati uchun yo‘nalishlarni belgilaydi.</span></p>
<p style="text-align: justify;"><span style="font-size: 12pt;">Har bir partiya o‘z g‘oyalariga asoslangan holda yaqin kelajakda amalga oshirishni maqsad qilgan tashabbuslarni ilgari suradi.</span></p>
<p style="text-align: justify;"><span style="font-size: 12pt;">Xususan, Xalq demokratik partiyasi vakillik organlarida, shuningdek, davlat fuqarolik xizmatida nogironligi bo‘lgan shaxslar uchun alohida kvota joriy etishni g‘oyasini ilgari surmoqda. Ushbu taklif partiyaning siyosiy maydondagi spektriga monand bo‘lgani barobarida ijtimoiy adolatni ta’minlashni ham ko‘zda tutadi.</span></p>
<p style="text-align: justify;"><span style="font-size: 12pt;">Nogironligi bo‘lgan shaxslar uchun parlament va mahalliy Kengashlarga saylovlarda, shuningdek, davlat xizmatiga kvotalarning joriy etilishi inklyuzivlik va ijtimoiy tenglik yo‘lida tashlangan muhim qadam bo‘ladi. Bunday yechim nogironligi bo‘lgan shaxslarning siyosiy hayotda va davlat xizmatida ishtirok etishini ta’minlaydi, bu esa, o‘z navbatida, qarorlar qabul qilish jarayonida ularning manfaatlari va ehtiyojlarini hisobga olishga yordam beradi.</span></p>
<p style="text-align: justify;"><span style="font-size: 12pt;">Xorijiy mamlakatlar tajribasi tahlili rivojlangan mamlakatlarda ham nogironligi bo‘lgan shaxslar uchun alohida kvota ajratilganligini ko‘rsatadi. Xususan, Italiya va Fransiyada siyosiy partiyalardan nogironligi bo‘lgan shaxslar nomzodlarini partiya ro‘yxatiga kiritishni talab qiladigan qonun mavjud. Bu parlament va mahalliy hokimiyat organlarida nogironligi bo‘lgan shaxslarning vakilligini oshirishga yordam beradi.</span></p>
<p style="text-align: justify;"><span style="font-size: 12pt;">Umuman olganda, parlament va quyi vakillik organlarida nogironligi bo‘lgan shaxslar uchun kvota ajratilishi ushbu shaxslarning ham davlat hamda jamiyat ishlarida ishtirok etishini ta’minlash va ularning faolligini oshirishga xizmat qiladi.</span></p>
<p style="text-align: justify;"><span style="font-size: 12pt;">Xulosa qilib aytganda, ilgari surayotgan tashabbuslarimiz partiyamizning raqobatdoshligini oshirishi barobarida bo‘lajak saylovlarning siyosiy partiyalar o‘rtasidagi keskin kurashlar ostida o‘tishini ta’minlaydi.</span></p>
<p style="text-align: justify;"><span style="font-size: 12pt;"> </span></p>
<p style="text-align: justify;"><span style="font-size: 12pt;"> </span></p>
<p style="text-align: justify;"><span style="font-size: 12pt;"> </span></p>
<p style="text-align: justify;"><span style="font-size: 12pt;"> </span></p>
<p style="text-align: justify;"><span style="font-size: 12pt;"> </span></p>