Qoraqalpog‘iston Respublikasining Nukus shahrida bo‘lib o‘tgan imzo to‘plash tadbiri aniqlik, ishchanlik hamda o‘zaro hamjihatlik ruhida o‘tdi. Qoraqalpog‘iston Respublikasida Xalq demokratik partiyasining 103 nafar deputati,  666 ta boshlang‘ich partiya tashkiloti faoliyat yuritayotgan bo‘lib, imzo to‘plash jarayonlarida ularning alohida faolligi ko‘zga tashlanmoqda.

Yoshlar bilan muloqotlar chog‘ida har bir fuqaro jamiyatda bo‘layotgan o‘zgarishlar va turli jarayonlarga o‘zining munosabatlarini siyosiy huquqlari orqali namoyish etishi, shuning uchun befarq bo‘lmasligi, ertangi kunda o‘zining huquqlarini ijtimoiy, iqtisodiy, siyosiy hayotda amalga oshirish orqali yuzaga chiqarishi tushuntirilmoqda.