Ўзбекистон Халқ демократик партияси Андижон вилоят кенгаши ташаббуси билан Андижон давлат университети ҳамкорлигида талабалар ўртасида “Заковат” интеллектуал турнири ўтказилди. Унда 15 та жамоа иштирок этди.

Тадбирни халқ депутатлари вилоят Кенгаши депутати Муқаддасхон Султонова очиб, ёшларни янги ўқув йили билан табриклади. Шунингдек, иштирокчиларни партиянинг мақсад ва ғоялари билан таништириб, интеллектуал беллашувда уларга омад тилади.

Қизғин савол-жавоблар асосида ўтган турнир якунида “Жадидчилар” жамоаси 1-ўрин, “Ренессанс” жамоаси 2-ўрин, “Ёш банкирлар” жамоаси 3-ўринни эгаллади.

Ғолиб ва совриндор жамоалар Ўзбекистон ХДП Андижон вилоят кенгашининг диплом ҳамда эсдалик совғалари билан тақдирланди.