Ўзбекистон ХДП Қорақалпоғистон Республикаси Кенгаши бўлим бошлиғи Р.Алламбергенов, Нукус туман партия кенгаши раиси, Халқ депутатлари Нукус туман Кенгашидаги партия гуруҳи раҳбари Р.Сапарниязов ҳамда ишчи гуруҳ аъзолари томонидан тумандаги 7-, 9- ва 18-сонли давлат мактабгача таълим ташкилотларида ўрганиш ишлари олиб борилди.
Ўрганиш давомида муассасаларда санитария-гигиена ва ёнғин хавфсизлиги талабларига риоя этилиши, электр жиҳозларидан фойдаланиш ҳолати ҳамда болалар хавфсизлигини таъминлашга қаратилган чора-тадбирлар таҳлил қилинди. Шунингдек, болалар учун яратилган шароитлар, озиқ-овқат маҳсулотларини сақлаш ва тайёрлаш жараёнлари кўздан кечирилди.
Ўрганиш якунида мактабгача таълим ташкилотлари фаолиятини янада такомиллаштириш, мавжуд камчиликларни бартараф этиш ва болалар хавфсизлигини кучайтириш юзасидан тегишли тавсиялар берилди.