9 май – Хотира ва қадрлаш куни муносабати билан юртимизда уруш ва меҳнат фахрийларига эҳтиром кўрсатиш, уларнинг жамият тараққиётига қўшган ҳиссасини эътироф этиш партиямизнинг эзгу амалларидан биридир.

Шу муносабат билан партиямиз Тошкент вилоят кенгаши фаоллари Паркент тумани “Номданак” қишлоғида истиқомат қилувчи 101 ёшли нуроний Анорбой ота Жалилов хонадонида бўлдилар.

Анорбой отага партия тизими ривожига қўшган ҳиссаси ва кўп йиллик ижтимоий фаоллиги учун “Ўзбекистон Халқ демократик партияси ифтихори” кўкрак нишони топширилди.

Мазкур эътироф – инсонни улуғлаш, кекса авлод вакилларининг фидокорона меҳнатини қадрлаш ва авлодлар ўртасидаги узвийликни мустаҳкамлашга қаратилган амалий ишларнинг ёрқин ифодасидир.