Халқ депутатлари Когон тумани Кенгашидаги депутатимиз Инобат Ҳамидова “Наврўз” маҳалласига қарашли “Оқчамамад” қишлоғи аҳолисидан келиб тушган мурожаат билан танишди.

Мурожаатни ўрганиш давомида ҳудуд аҳолисини тоза ичимлик суви билан тўлиқ таъминланмагани аниқланиб, тегишли ташкилотларга бу ҳақда депутатлик сўрови юборган эди.

Натижада қишлоқ аҳолисининг кўп йиллик муаммоларидан бири бўлган тоза ичимлик суви таъминотини яхшилаш ишлари бошлаб юборилди.

Бугунги кунда “Оқчамамад” қишлоғидаги ҳар бир хонадон босқичма-босқич тоза ичимлик суви билан таъминланмоқда. Мазкур жараённинг сифатли ва ўз вақтида амалга оширилиши устидан депутат назорати ўрнатилган.