Пискент туман Кенгашидаги депутатлик гуруҳимиз туманнинг ичимлик суви ва оқава сув тизимини ўрганиб, уни такомиллаштириш масаласини туман Кенгаши сессиясига киритди.

Ўрганиш натижаларига кўра туманда 20 минга яқин хонадон мавжуд бўлиб, уларда 100 минг нафарга яқин аҳоли истиқомат қилади. Аҳолининг 71,1 фоизи ичимлик суви билан таъмирланган. Режага кўра, бу кўрсатгич 90 фоизга етказилиши мақсад қилинган.

Туманда 223 км ичимлик сув тармоқлари мавжуд бўлиб, шундан 16 кми таъмирга муҳтож ҳолатда.

Туман Халқ қабулхонасига келиб тушган мурожаатларнинг катта қисми айнан ичимлик сувининг тез-тез узилиб туриши, бу борадаги мурожаатлар масъуллар томонидан вақтида кўриб чиқилмаслиги, яроқсиз ҳолга келиб қолган ичимлик суви тармоқларининг йиллар давомида таъмирланмаслиги билан боғлиқ эканлиги таҳлили қилинди.

Ичимлик суви билан боғлиқ муҳокамалар узоқ давом этди. Кенгаш якунда муҳим қарорлар қабул қилди.