Парламент қуйи палатаси мажлисида «Ҳуқуқбузарликлар профилактикаси тўғрисида»ги қонунга қўшимча ва ўзгартиришлар киритиш ҳақидаги қонун лойиҳаси қизғин муҳокама қилинмоқда.
Кеча фракция мажлисида фракциямиз аъзолари ҳуқуқбузарликлар профилактикаси жуда муҳим институт эканини эътироф этган, шу билан бирга, профилактика ишларини шахснинг устувор ҳуқуқ ва эркинликларига дахл қилмаган ҳолда, ўтказиш тўғри бўлишини таъкидлашган эди. Ҳуқуқбузарлигига нисбатан жазо олиб бўлган ҳайдовчиларнинг ички ишлар профилактик ҳисобига олиниши ҳақидаги меъёрга тўлиқ қарши чиқилган эди. Депутатлар фракциянинг позицияси ялпи йиғилишга қадар ҳисобга олиниши шарти билан қонун лойиҳасини кеча қўллаб-қувватлаб овоз беришганди.
Аммо палата мажлисида бу меъёр ўзгаришсиз қолаётганига Ўзбекистон ХДП фракцияси аъзолари қарши фикр билдирди. Масъул қўмита ушбу меъёрни мувофиқлаштириш учун муддат сўради. Лойиҳа танаффусдан кейин куннинг иккинчи ярмида овозга қўйилиши белгиланди.
Олий Мажлис Қонунчилик палатаси мажлисида бугун 15:00 га қадар танаффус эълон қилинган.