Mamlakatimizda oilaga muqaddas dargoh sifatida qaraladi. Sababi unda umuminsoniy va milliy qadriyat munosabatlari shakllanadi.

Shuningdek, oila inson uchun mehnat qobiliyatini tiklash, dam olish joyi va yosh avlod kamol topadigan tarbiya maskani hamdir. Chunki, ota-bobolar va momolarimizdan meros – tarbiya jarayonida muhim ahamiyat kasb etuvchi yaxshi an’anayu, urf-odatlar ming yillardirki, oila sharoitida hayot sinovlaridan o‘tib kelmoqda.

O‘zbekiston XDP Jizzax viloyat Do‘stlik tuman kengashi tomonidan 13-umumiy o‘rta ta’lim maktabida qizlar o‘rtasida "Erta turmush qurishning salbiy oqibatlari, qizlar o‘rtasida tibbiy madaniyatni oshirish" mavzusida targ‘ibot yig‘ilishi o‘tkazildi.