Зарбдор тумани Ёшлик МФЙда Ўзбекистон ХДП депутати Ислом Жулибеков маҳалла фаоллари билан биргаликда кам таъминланган оилаларга ташриф буюриб, уларнинг муаммоларини ўрганди.

Мақсад жойларда оғир ижтимоий вазиятга тушиб қолган хотин-қизларни, шу жумладан, ногиронлиги бўлган, иш билан таъминланмаган аёлларни ўз вақтида аниқлаш, улар билан якка тартибда ҳамда аниқ мақсадга йўналтирилган ишларни олиб бориш, уларни манзилли қўллаб-қувватлашдан иборат.

Ўрганиш жараёнида уй-жойини таъмирлаш, соғлиғида муаммоси бор хотин-қизлар аниқланиб, уларга амалий ёрдамлар кўрсатилди.