Ўзбекистон Халқ демократик партияси Қўнғирот туман кенгаши ҳамда халқ депутатлари Қўнғирот туман Кенгашидаги партия гуруҳи томонидан “Аёллар билан юзма-юз ” лойиҳаси ўтказилди.
Тадбир давомида ижтимоий ҳимояга муҳтож хотин-қизлар яшайдиган хонадонларга бориб, улар билан юзма-юз суҳбатлашилди, уларнинг муаммоларини аниқлаш ҳамда ечимини топиш чоралари кўрилди. Оғир ижтимоий вазиятга тушиб қолган хотин-қизлар, шу жумладан, ногиронлиги бўлган, иш билан таъминланмаган аёлларни аниқлашга, улар билан аниқ мақсадга йўналтирилган ишларни олиб боришга, манзилли қўллаб-қувватлашга эътибор қаратилди. Шунинг билан бирга, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашга муҳтож оналарга ёрдам кўрсатиш бўйича тегишли чора-тадбирлар кўрилди.
Бундан ташқари, Ўзбекистон ХДП Қўнғирот туман Кенгаши масъул ходимлари, халқ депутатлари туман Кенгашидаги депутатлик гуруҳи аъзолари томонидан давлатимиз раҳбарининг “Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида”ги Фармони ижросини таъминлаш бўйича туманда олиб борилаётган ишлар таҳлил қилинди.
Гулназ Далибаева,
Ўзбекистон ХДП Қорақалпоғистон Республика Кенгаши
Ёшлар ва хотин-қизлар билан ишлаш сектори мудири.