Партиямиз Самарқанд вилоят кенгашида “Энг фаол депутат” кўрик-танловининг вилоят босқичи ўтказилди. Танловнинг вилоят босқичида шаҳар ва туманлар миқёсида ўтказилган танловларда ғолибликни қўлга киритган 16 нафар депутат иштирок этди.

Иштирокчилар аҳоли муаммосини ҳал этишнинг энг самарали йўли, сиёсий ҳозиржавоблик ва муаммони ҳал қилиш каби шартларда беллашишди. Ҳакамлар ҳайъати иштирокчиларни белгиланган мезонлар асосида баҳолаб борди.

Якунда халқ депутатлари Нуробод тумани кенгаши депутати Ибодуллаев Баҳодир ғолибликни қўлга киритиб, Республика босқичида вилоят шарафини ҳимоя қиладиган бўлди.