Самарқанд вилоятининг Ургут туманида ўтказилган тезкор тадбирлар натижасида 6 нафар шахс қўлга олинган. Самарқанд вилояти Ички ишлар бошқармаси маълумотига кўра, мазкур тадбирлар вилоят ДХХ ва ИИБ ходимлари томонидан амалга оширилган. Қўлга олинган шахсларнинг “Ҳизбут-Таҳрир”га аъзолиги айтилмоқда. “Улар орасида муқаддам мазкур террористик ташкилот ғояларини тарғибот қилганлиги боис жиноий жазога маҳкум этилган шахсларнинг борлиги аниқланди”, дейилган ИИБ хабарномасида. Қайд этилишича, айни пайтда очилган жиноят иши доирасида мазкур шахсларга нисбатан дастлабки тергов ҳаракатлари олиб бориляпти.