Халқимизга хос инсонийлик, саховатпешалик ва бағрикенглик 3 декабрь — Халқаро ногиронлар куни муносабати билан республикамиз бўйлаб уюштирилаётган тадбирларда ўз аксини топмоқда. Бундан асосий мақсад ногиронлиги бор замондошларимизни ҳар томонлама қўллаб-қувватлашдан иборатдир.

Сана муносабати билан Ўзбекистон ХДП Тошкент вилоят кенгаши ходимлари Қибрай туманида жойлашган Тошкент вилояти психофизик ривожланиши бузилган болалар учун ихтисослаштирилган типдаги болалар уйига ташриф буюрдилар.

Тадбир давомида билдирилган тилаклар ва табриклар, болажонлар томонидан айтилган шеърлар, улар ижросидаги рақслар барчага қувонч бағишлади.

Якунда Болажонлар тадбир ташкилотчиларининг байрам совғалари билан тақдирландилар.