Ғаллаорол туманининг Баркамол авлод болалар мактаби фаоллар залида Мустақиллик байрамининг 32 йиллигига бағишланган “Ватан севгиси – иймон белгиси” номли маънавий-маърифий тадбир ўтказилди.

Тадбирда сўзга чиққан Ўзбекистон ХДП Ғаллаорол туман Кенгаши раиси Комил Усмонов она ватанга муҳаббат, миллий қадриятларимизга ҳурмат, истиқлол йилларида амалга оширилаётган туб ислоҳотлар ҳақида ўз фикр-мулоҳазаларини билдириб ўтди.

Истиқлолимизнинг 32 йиллигига бағишлаб ўтказилган тадбир давомида ёшлар томонидан Ватанимизни мадҳ этувчи бадиий дастур намойиш қилинди.