Олий Мажлис Қонунчилик палатаси депутати Д.Мамажонова иштирокида Фарғона туман тиббиёт бирлашмасида учрашув ўтказилди.
“Ўзбекистон – 2030” стратегияси, “Жамият – ислоҳотлар ташаббускори” тамойили асосида “Аввал – инсон, кейин – жамият ва давлат” шиори остида ўтган давра суҳбатида юртимизда олиб борилаётган ислоҳотлар мазмун-моҳияти ҳақида батафсил сўзлаб берилди.
Шунингдек, депутат Д. Мамажонова Давлат санитария ва эпидемиология марказида “Ўзбекистон – 2030” стратегиясини “Ёшлар ва бизнесни қўллаб-қувватлаш йили” амалга ошириш бўйича Давлат дастурида белгиланган устувор вазифалар юзасидан маъруза қилди. Ёшларга берилаётган эътибор ва улар учун яратилаётган шароитлар хусусида фикр-мулоҳазалар билдирилди.
Шундан сўнг бир гуруҳ фахрийлар иштирокида Ўзбекистонда хизмат кўрсатган маданият ходими Турсун Али полвон Мамажонов хонадонига ташриф буюрилди.